Izdvojili smo serije koje će vam sigurno "leći", naročito ako ste ljubitelji proslavljenog srpskog glumca.
Čuveni srpski glumac Nikola Đuričko proslavlja 9. jula svoj 51. rođendan, i jedan je od rijetkih umjetnika sa ovih prostora koji je uspio da ostvari uspješnu internacionalnu karijeru.
I ne samo to - izuzetno je poštovan od strane svojih kolega, slavnih holivudskih glumaca i producenata.
Zato smo izdvojili tri strana ostvarenja u kojima je igrao, a koja su naišla na fantastičan odziv publike, i koja imaju dobre ocjene.
1. Stranger Things (sezona 4 – nadalje)
Na prvom mjestu je jedna od najpopularnijih serija svih vremena, "Stranger Things", u kojoj Đudičko igra ruskog krijumčara Jurija. Serija je opšteprihvaćena kao fenomen globalnih razmera, a Đuričkova uloga je dobila pohvale kritike i publike do te mjere da su čak govorili da "Jurij treba da dobije i svoj spin-off".
O čemu se radi u "Stranger Things"?
Radnja je smještena u izmišljeni gradić Havkins, u Indiani, tokom osamdesetih godina, uz jaku estetiku tog perioda (vokmeni, D&D, bicikli, retro frizure...).
Serija počinje nestankom dječaka Vila Bajersa. Njegovi prijatelji kreću u potragu i tada upoznaju čudnu djevojčicu s brojem 11 na ruci, koju zovu Eleven. Ona ima natprirodne moći i bježi iz tajne vladine laboratorije.
Ispostavi se da je Vil završio u paralelnom svijetu zvanom "Upside Down" (Naopaki svijet) — mračnom, izopačenom verzijom našeg svijeta u kojoj vrebaju čudovišta i još nešto mnogo opasnije.
Inače, finale serije biće ove godine na jesen, i samo ostvarenje biće podijeljeno u tri dijela: Prvi dio (Volume 1) izlazi 26. novembra, drugi (Volume 2) biće objavljen na Božić, dok će treći dio (Volume 3), koji donosi završnicu serije, biti prikazan za Novu godinu, 31. decembra 2025.
2. Hollands Hoop (2014–2020)
Holandsko ostvarenje ima gotovo kultni status i riječ je o krimi drami - crnoj komediji, a Đuričko igra čak tri uloge.
Pogledajte trejler:
O čemu se radi u "Holland Hoops"
Radnja prati Fokea Augustinusa, forenzičkog psihijatra iz Amsterdama, koji nasljeđuje imanje svog oca na severu Holandije nakon njegove smrti. Izolovani dio zemlje poznat je kao Hollands Hoop, a Foke je isprva želio da proda imanje, no, to nije išlo tako lako.
Ispostavlja se da je u tom "dosadnom" zaseoku ogromna plantaža prvoklasne marihuane koju obrađuje i distribuira balkanska narko mafija, tzv. "Jugosi".
Umjesto da sve to presječe, Foke, iznenađujuće, nastavlja posao, a paralelno mu se lični i porodični život komplikuju.
Đuričko igra najpre Miroslava, pokojnog saradnika u tajnom biznisu, potom njegovog blizanca Sašu, da bi se u završnoj sezoni pojavio kako njihov otac Miloš. Iako igra negativce, gotovo je nemoguće ne povezati se sa ovim likovima koji su više nego simpatično predstavljeni.
3. The Last Panthers (2015)
Kriminalistička mini-serija ima sjajne ocjene, a u ovom ostvarenju Đuričko igra Milomira Bukvu. Serija je snimana u Beogradu i okolini, i to u realističnim i surovim uslovima — atmosfera Balkana igra važnu ulogu u tonu serije.
Početna pjesma "Blackstar" je napisana posebno za seriju i zapravo je poslednji singl Dejvida Bouvija prije njegove smrti.
O čemu se radi u "The Last Panthers"?
Mini-serija inspirisana stvarnim pljačkašima poznatim kao "Pink Panthers" (balkanski kriminalni sindikat), The Last Panthers počinje spektakularnom pljačkom nakita u Marseju — ali stvari krenu po zlu i ubijeno je dijete.
To pokreće lanac događaja koji spaja:
- Nađu (glumi je Samanta Morton) – istražiteljka iz osiguravajuće kuće s mračnom prošlošću,
- Kalila (glumi ga Tahar Rahim) – francuski policajac koji balansira između dužnosti i korupcije,
- i Miloša (glumi Goran Bogdan) – bivšeg srpskog kriminalca i člana Pantersa, koji pokušava da pobjegne iz svijeta nasilja.
Radnja se prostire preko Francuske, Srbije i Velike Britanije, prateći trag prljavog novca, ratne traume, organizovanog kriminala i političke moći.
Kad je riječ o ulozi Nikole Đurička, Milomir Bukva je bivši vojnik i pripadnik kriminalne mreže iz vremena balkanskih ratova, koji je sada duboko upleten u međunarodni svijet šverca, trgovine oružjem i nasilja.
On je jedan od ključnih likova iz prošlosti Miloša (Goran Bogdan) i ima direktnu ulogu u razotkrivanju tamnih slojeva balkanskog podzemlja.
Pogledajte trejler:
