LEBRENOVOM SINU SE SMIJE CIJELA AMERIKA: Ne može ništa da pogodi, prozvao ga NBA igrač

Još jedno tužno veče za Bronija Džejmsa u Razvojnoj ligi.

Jasno je da je mladić pod velikim pritiskom da ispuni očeve cipele, trudi se, ali za sada mu zaista ništa ne polazi za rukom. Tako tokom Ljetne lige igra vrlo loše i prethodne noći iskusio je još jedan poraz sa Lejkersima. Ovoga puta, Boston je bio bolji 88:74, a Broni Džejms je odigrao meč za zaborav jer je za 25 minuta imao tek dva poena, tri skoka i jednu asistenciju. Međutim, to je tek početak problema koje ima Lebronov sin.

Na četiri utakmice Letnje lige Broni Džejms ima tek 17 postignutih poena, a zabrinjavajuće je što nije pogodio niti jednu trojku. Šutira za sada 0-15, a njegovi pokušaji - iz dobrih situacija protiv Bostona - nisu došli čak ni do koša. Pogledajte kako je to izgledalo:

To je naravno samo podgrijalo priče o nepotizmu koja se širi i među NBA igračima, tako da je Džejlin Braun, ovogodišnji šampion NBA lige sa Bostonom, uhvaćen kako kraj terena komentariše lošu Bronijevu igru: "Mislim da ovaj nije ni profesionalac. Ne vjerujem da će igrati za razvojni tim, zbog imena će biti u Lejkersima!", poručio je Braun.