Čopor pasa lutalica napao je i izujedao dvogodišnjeg Z.S. dok se igrao u dvorištu porodične kuće u naselju Mikulja u Smederevskoj Palanci. Dijete ima više ujeda po telu, a ljekari su morali da mu ušiju ranu na uhu, pišu "Novosti".
Napad se dogodio u utorak uveče dok je mališan vozio bicikl u svom dvorištu, naočigled majke i rođaka koji su sjedjeli nekoliko metara dalje.
"Pet pasa je ušlo u dvorište, oborili su ga sa bicikle i počeli krvnički da ga grizu. Srećom da sam bila blizu i da sam uspjela brzo da ih oteram. Bilo je strašno, previjao se od bolova. Ne smijem ni da pomislim šta bi bilo da nisam bila u blizini. Rastrgli bi mi dete", svjedoči Marina Veljković, mališanova majka.
"Rana na uhu je duboka, morali su da ga ušivaju, ima tri šava. Četiri ugriza ima samo na ruci, mnogobrojne ogrebotine. U šoku je, to je malo dijete, samo dvije i po godine ima. Sada pije antibiotike, a vakcinisan je redovno", kaže majka Marina.
Naselje Mikulja nalazi se na periferiji grada, i kako svedoče žitelji, napadi pasa lutalica su ovdje redovna pojava, navodi list.