Mančester junajted pobijedio Sanderlend u gostima (1:0) i nastavio pohod ka tituli na mjestu gdje je na kraju prošle sezone ismijevan.
![PREMIJER: "Đavoli" dobro pamte PREMIJER: "Đavoli" dobro pamte](https://mondo.me/Picture/14/png/za-vesti.png)
"Kada smo prošle godine na terenu Sanderlenda čuli da smo ostali bez titule rekao sam Gigsu i momcima: 'Zapamtite ovaj dan'. Domaći navijači navijali su za Siti. Nećemo zaboraviti to, uvjeravam vas", izjavio je uoči gostovanja Sanderlendu trener Mančester junajteda Aleks Ferguson.
Pobjedu je najavio, pobjedu je i ostvario.
Autogolom Titusa Brambla u 27. minutu, poslije prodora Robina Van Persija po lijevoj strani, gosti su osvojili sva tri boda i nastavili da koračaju ka tituli. Trenutno imaju 77 bodova, a drugoplasirani Siti 59, uz utakmicu manje.
Van Persi je u posljednjim trenucima imao priliku i da duplira vođstvo gostiju, ali nije iskoristio situaciju "jedan na jedan" sa golmanom domaćih Simonom Minjoleom. Mogao je da ga pita u koju stranu gola da ubaci loptu.
Srpski internacionalac Nemanja Vidić odigrao je cio meč, a "đavoli" će sljedeće veliko iskušenje imati već u ponedjeljak. Igraće protiv Čelsija u revanšu četvrtfinala FA Kupa.
(MONDO, foto: Beta/AP)