Slijepa žena udarila glavom u stočić i progledala!

Ona je slijepa od 11. godine, a u 24. dogodila joj se nevjerovatna stvar – kleknula je da poljubi svog psa vodiča i tom prilikom udarila u stočić. Otišla je na spavanje, a sledećeg jutra se probudila i progledala, piše “Independent”, a prenosi “Večernji.hr”.

“Niko ne zna što se dogodilo ili ne može to da objasni. Ne mogu naći riječi kojima bih to opisala. Možete zamisliti da ništa ne vidite i onda opet progledate. To je dar”, kazala je danas 38-godišnja Reid.

Uoči 14-godišnjice srećnog događaja, Reid je s javnosti podijelila svoju priču da bi podigla svijest o potrebama slijepih u okviru Nedjelje slijepih na Novom Zelandu.

“Šok je bio kad sam vidjela brata. On je bio čovjek s bradicom. On je bio muškarac”, prisjetila se prvih dana nakon čudesnog događaja. Dok joj je prvi susret s bratom koji je od dječaka postao muškarac bio šok, s majkom je, tvrdi, bilo drugačije.

“Ona je ostala ista, samo malo starija”, prisjetila se.

Istaknula je da je sada i sama majka te kako je zahvalna za svu pomoć koju joj je pružilo udruženje slijepih osoba, prenosi “Večernji”.