Prvak Hrvatske slavio u Tiraspolju pogotkom Fatosa Bećiraja, mada je Šerif pružio daleko bolju partiju. Ubjedljivi Anderleht, Maribor, Helsingborg...
Kako je konstatovao hrvatski portal Index, sreća nastavlja da "mazi" trenera Dinama Antu Čačića!
Pošto je njegov tim u oba meča sa bugarskim Ludogorecom davao golove u sudijskoj nadoknadi vremena, novi korak ka Ligi šampiona napravio je pobjedom nad moldavskim Šerifom - 0:1 (0:1).
Rezultat je odličan pred revanš na Maksimiru i sve bi bilo sjajno da Dinamo ponovo nije u potpunosti nadigran. Šerif je propustio sedam-osam odličnih prilika, dok su gosti jednu od svoje dvije uspjeli da pretvore u pogodak.
Učinio je to Fatos Bećiraj u 14. minutu.
Index piše da se Zagrepčani vraćaju kući sa "prednošću koja najavljuje plej-of za Ligu prvaka, no, za ovakvu Dinamovu momčad je bolje ne izlagati se reflektorima cijenjenog takmičenja".
Podsjetimo da je Šerif prije dvije godine eliminisao Dinamo penalima u istoj fazi ovog takmičenja.
Plasman u posljednju rundu kvalifikacija praktično su osigurali Anderleht (gol Milana Jovanovića), Hapoel Kirjat Šmona i Maribor, a naročito je prijatno iznenadio švedski Helsingborg, pobijedivši poljski Slask u gostima rezultatom 3:0.
Fenerbahče je na svom stadionu izbjegao poraz od rumunskog Vasluija u posljednjim trenucima utakmice, dok je Seltik gubio, pa preokrenuo rezultat protiv Helsinkija.
REZULTATI PRVIH UTAKMICA 3. KOLA:
BATE Borisov - Debrecin 1:1 (0:0)
/Sidibe 90+3ag - Sidibe 67/
Hapoel Kirjat Šmona - Neftči 4:0 (1:0)
/Badaš 42p, Abihazira 52, Gerzicič 70, 76/
Molde - Bazel 0:1 (0:0)
/Zua 79/
Šerif - Dinamo Zagreb 0:1 (0:0)
/Bećiraj 14/
AEL - Partizan 1:0 (0:0)
/Vua 13/
Anderleht - Ekranas 5:0 (3:0)
/De Suter 2, Kanu 21, Embokani 41, 52, Jovanović 87/
Kopenhagen - Klub Briž 0:0
Maribor - Didelanž 4:1 (2:0)
/Mezga 13, 47, Tavareš 38, Berić 77 - Joakim 90+2/
Seltik - Helsinki 2:1 (0:0)
/Huper 54, Malgru 60 - Šuler 47/
Kluž - Slovan Liberec 1:0 (0:0)
/Kadu 53p/
Fenerbahče - Vaslui 1:1 (0:0)
/Irtegun 90 - Antal 75/
Slask - Helsingborg 0:3 (0:1)
/Finbogason 36, Anderson 72, Nordmark 85/
odigrano u utorak:
Dinamo Kijev - Fajnord 2:1 (0:0)
/Imers 56ag, Ideje 69 - Šaken 49/
Madervel - Panatinaikos 0:2 (0:1)
/Hristodulopulos 14, Mavrijas 76/
Revanši su na rasporedu 7. i 8. avgusta.
(MONDO, foto: AP)