Putin je telefonom razgovarao sa Umarom Sisokom Embalom, predsjednikom Gvineje Bisao.
Ruski predsjednik Vladimir Putin potpuno neočekivano prekinuo je danas video konferenciju zbog misterioznog telefonskog poziva, a konačno je otkriveno s kim je šef Kremlja razgovarao.
Putin je telefonom razgovarao sa Umarom Sisokom Embalom, predsjednikom Gvineje Bisao, potvrđeno je u Kremlju. Slučaj je privukao veliku pažnju, a objavljen je i transkript prekida video konferencije.
"Molim vas izvinite me, moram da obavim međunarodni telefonski poziv. Moraću da se isključim na pet minuta, Vi molim vas nastavite, samo da završim razgovor i vraćam se", rekao je Putin tom prilikom.