Jedna od najaktivnijih kriminalnih organizacija u velikoj trgovini kokainom razbijena je na Kanarskim ostrvima, prenose španski mediji.
U pitanju je grupa povezana s međunarodnim zločinačkim organizacijama. Kriminalna mreža imala je veze sa italijanskom mafijom u Kalabriji, "škaljarskim klanom" u Crnoj Gori i sa kartelima u Brazilu i Kolumbiji.
Akciju su, prenosi "canarias7.es", uspješno izveli agenti Tima za organizovani kriminal i borbu protiv droge (EDOA) Civilne garde i agenti Jedinice za borbu protiv droge i organizovanog kriminala (UDICO) Nacionalne policije.
"Kriminalna organizacija je uspostavila nekoliko kanala za unošenje kokaina na Kanarski arhipelag i imala je važnu logistiku za distribuciju narkotika", piše u članku.
Konačni rezultat nakon hapšenja i pretresa kuća ukazuje na osam uhapšenih, zaplijenjeno je 26 kilograma kokaina, skoro 150.000 eura u gotovini, osam vozila, pet šifrovanih telefona, elektronski sigurnosni uređaj, kao i različite alate i dokumentaciju u vezi sa kriminalnim radnjama.