Mateuš Saldanja blista u Mađarskoj!
Prodisao je malo Partizan nakon pobjede u Lučanima od 3:1, vidjeli smo i gol Đorđa Jovanovića koji se nameće Savi Miloševiću kao rješenje na mjestu napadača, ali ipak će u Partizanu vjerovatno tugovati za Mateušom Saldanjom. Prodat je Brazilac za 4.000.000 evra, to je solidno napunilo kasu crno-bijelih, ali kada se vidi kako igra u Mađarskoj jasno je da je prodat ispod cijene!
Ferencvaroš je savladao Puškaš Akademiju sa 3:0, a Saldanja je na tom meču dao sva tri pogotka, a da je igrao tek pola sata! Ušao je u igru u 63. minutu, prvi gol je dao u 65. a u 77. je pogodio još jednom. Het-trik je kompletirao u 82. minutu i to pogotkom petom!
Debitovao je Saldanja za Ferencvaroš u ligi protiv MTK i tada dao prvi gol, zatim je odigrao 20 minuta protiv Anderlehta, a sada je za 27 dao tri gola. Sveukupno tri meča, na njima 72 minuta i šest golova. Teško da za četiri miliona crno-bijeli mogu da kupe ovakvog špica.