Gubitak pri izvozu mlijeka snosiće Ministarstvo, farmeri i mljekare
“Realizacijom dogovorenih zaključaka nadamo se prestanku restrikcija u otkupu mlijeka. Istovremeno je dogovoreno da se formira Radna grupa u kojoj će biti predstavnik Ministarstva poljoprivrede, Ministarstva ekonomskog razoja, Udruženja proizvođača mlijeka i Udruženja prerađivača mlijeka, sa zadatkom da se ustanovi sistemsko zakonsko rješenje koje će omogućiti dugoročno povećanje prodaje domaćih proizvoda, preduprijediti pojavu viškova poljoprivrednih proizvoda kao prepostavku za razvoj poljoprivrede”, saopšteno je iz Udruženja farmera i Udruženja prerađivača mlijeka.
Višak mlijeka biće izvezen u Bosnu i Hercegovinu, a gubitak koji se ostvari pri izvozu snosiće ravnomjerno Ministarstvo, farmeri i mijekare. To je dogovoreno na sastanku koji su mljekari jutros imali sa ministrom poljoprivrede Vladimirom Jokovićem, prenosi RTCG.