Za dobro očuvanu novčanicu od 10.000 slovenačkih tolara koja je prvi put štampana 1995. godine, danas se može dobiti oko 300 eura.
Slovenija je prešla na euro 2007. godine zamjenivši svoju prvu nacionalnu valutu tolar sa eurom, a sada neke stare novčanice iz vremena monetarne suverenosti postaju vrijedne na numizmatičkom tržištu.
Za dobro očuvanu novčanicu od 10.000 tolara, štampanu prvi put 1995. godine, može se dobiti oko 300 eura, rekao je za N1 Sloveniju predsjednik slovenskog numizmatičkog društva Urban Mate.
Prilikom zamjene tolara u eure za tu novčanicu s likom pisca Ivana Cankara tada se dobijalo oko 41,6 eura.
Nakon što je ukinula korišćenje starog jugoslovenog dinara u jesen 1991. godine, Slovenija je u opticaj bila pustila tzv. "vrijednosne bonove" koji su se koristili manje od godinu dana, a za neke dobro očuvane primjerke danas se mogu dobiti iznosi koji desetak puta prelaze stvarnu vrijednost iz vremena kad su se koristili, navode stručnjaci.
Prema podacima centralne banke, kod Slovenaca je u novčanicama i kovancima, ostalo tolara u vrijednosti oko 32 miliona eura.