Putnički avion Boing 737 kineske aviokompanije pao je na jugu Kine javljaju mediji, a prema prvim informacijama u avionu je bilo 132 putnika i članova posade.
Uzrok pada aviona starog šest godina nije poznat, prema podacima portala Flajt radar 24, koji prati letove.
Kineski avion poletio je u 13.11 po lokalnom vremenu iz Kunminga, a trebalo je da sleti u 15.05 u Guangžu. Sa praćenja na portalu "Flajt radar" nestao je u 14.22 na visini od 982 metra pri brzini od 696 kilometara na sat.
Eksplozija pouzrokovana padom aviona napravila je požar na planini. Ekipe za spašavanje odmah su poslate na mjesto nesreće ali zasad nema informacija o stradalima i povrijeđenima. Kako izgleda, male su šanse da će biti preživjelih kažu stručnjaci.