Ono što se činilo kao sigurno, a to je formiranje većine u parlamentu od strane Pokreta Evropa sad, koalicije Demokrata i Ure i još neke partije, nakon najnovijih dešavanja djeluje nemogućim.
Nije da se i proteklih decenija nije dešavalo da se partije i političari medjusobno vrijeđaju na najniži mogući način, a zatim par dana kasnije se izgrle i udju u saveze, koalicije i vlade, ali sada kada su svi u zemlji očekivali neke promjene, dolazak mladje generacije političara i "čistije" obračune, situacija bar za sada djeluje jos primitivnija.
Tri godine smo svjedoci najtežih medjusobnih optužbi partija vlasti, medjutim i pored toga vlast je opstajala pod izgovorom da je viši cilj pad Djukanovica i DPS-a. Djukanovic je pao, DPS izgubio na svim izborima i čini se da je krenula beskrupulozna borba za vlast.
Najnovije optuzbe Abazovica i Adzica na račun PES-a, izazvale su oštre odgovore visokih funkcionera Pokreta Evropa sad, Dragasa, Milovica i Krvavca da URA sigurno neće biti dio nove vlasti nakon izbora.
Izrečeno je sta je izrečeno, parlamentarni izbori su u nedelju, ostaje nam da vidimo da li će iz PES-a biti dosledni svojim izjavama, ili će se kao i dosta puta do sada na našoj politickoj sceni sve to zaboraviti, da će se akteri izgrliti i formirati neku novu vladu.