Crnogorska teniserka, Danka Kovinić napredovala je na WTA listi i od danas je 62. teniserka svijeta.
To je za jednu poziciju bolji plasman u odnosu na prethodnu sedmicu.
Danka je, i dalje u dobroj poziciji da izbori plasman na Olimpijske igre u Tokiju.
Plasman u Japan izboriće 56 najboljih teniserki, s tim da najviše četiri teniserke iz jedne zemlje mogu da igraju u Tokiju. Krajnji rok kada će biti poznato da li će Danka ići na OI je 7. jun.
Na vrhu WTA liste bila je samo jedna promjena - Elina Svitolina i Sofija Kenin zamijenile su poziciju, pa je Svitolina od danas peta, a Kenin šesta teniska svijeta.
Prva je i dalje Ešli Barti, druga Naomi Osaka, treća Simona Halep, a četvrta Arina Sabalenka. U Top 10 su još i Bjanka Andresku na sedmoj, Serena Vilijams na osmoj, Karolina Pliškova na devetoj i Belinda Benčić na desetoj poziciji.