Jovanka Radičević i zvanično je napustila ŽRK Budućnost.
Crnogorska reprezentativka karijeru će nastaviti u turskom Kastamonu, gdje će joj društvo praviti Majda Mehmedović, a najvjerovatnije i Milena Raičević i Marina Rajčić.
“Želim da se zahvalim matičnom klubu Budućnosti, upravi i navijačima. Posebno bih se zahvalila mojim saigračicama, bilo je lijepih i teških trenutaka, ali sa vama je sve bilo lakše. Budućnost ostaje moj klub i uvijek će imati posebno mjesto u srcu. Nadam se da ću se ponovo vratiti mjestu kojem pripadam”, napisala je na Instagramu Radičević.
Od ranije je poznato da će tabor “plavih” na kraju sezone napustiti i Alison Pino, Andrea Lekić, Ema Ramusović i Barbara Arenhart.