Nevjerovatno koliko se sramote Dalas Maveriksi nakon što su otjerali Luku Dončića.
Dalas Maveriksi napravili su sramotan potez i doslovno isjekli Luku Dončića i Maksija Klebera iz svog promotivnog video-spota. Nevjerovatno je da je Slovenac postao toliko nepoželjan u Maveriksima manje od mjesec dana nakon trejda da ga doslovno brišu iz uspomena.
Pogledajte skandalozni spot u kojem je Dončićeva silueta izbrisana iz kadra u kojem kamera snima šutera Dalasa Kleja Tompsona. Podsjetimo, sa njim na čelu Dalas je prošle godine igrao NBA finale protiv Bostona, a u dresu Maveriksa je čak pet sezona u nizu proglašavan za člana idealne NBA petorke.
Nevjerovatnim obrtom, nove gazde franšize odlučile su da se Dončić više ne uklapa u "šampionsku kulturu" koju doskorašnji vlasnici hotela i kockarnica žele da uspostave u Dalasu i zato je morao da ode u Lejkerse. Zato je generalni menadžer Niko Herison tražio od Lejkersa trejd tokom januara i dobio ga je, pa je početkom februara sjajni Slovenac morao da se odseli u Los Anđeles, iako to nije želio.
Za to vrijeme, u Dalasu brišu i uspomene na njega.