SC Derby je spreman da i drugi put ove sezone savlada Budućnost Voli, nakon što je to uradio i polufinalu Superkupa Admiralbet ABA lige.
Sada je na redu prvi derbi u ABA ligi, Budućnost je domaćin u subotu od 19 sati.
“Budućnost je odlična ekipa koja je uvijek u vrhu ABA lige. Sa Jogijem Ferelom je dobila još veću širinu u napadu. Dva tima se dobro poznaju, nema detalja koji može da se sakrije”, kaže trener “studenata” Dejan Jakara.
“Andrej Žakelj odlično poznaje našu ekipu, naši igrači odlično poznaju Budućnost. Ja vjerujem da možemo da pružimo dobar otpor iako je ekipa Budućnosti veliki favorit. Mi ni u ovaj meč sigurno ne idemo sa bijelom zastavom već da damo sve od sebe i da dođemo do pobjede”, istakao je Jakara.
SC Derby poslije 12 kola ima po šest pobjeda i poraza, Budućnost je na učinku 8-4.