Dejan Mijatović čestitao je Budućnosti Voli na pobjedi u Čačku.
Istakao je da je njegov tim imao aktivan rezultat do jednog trenutka, kada je sve prešlo na stranu rivala.
“Čestitam ekipi Budućnosti na zasluženoj pobjedi. Imali smo priključak na 30:31, ali poslije namjernog faula rival je iz jednog napada postigao pet poena. Ubrzo je serija otišla na 17 poena. U trećoj četvrtini smo probali da ponovo uhvatimo priključak. Došli smo na 10 razlike, ali smo zbrzali nekoliko napada. Prvi put smo primili preko 90 poena, to čak nije bio slučaj ni protiv Crvene zvezde u Pioniru“, istakao je trener Borca Dejan Mijatović.
Borac je prvi dio sezone u ABA ligi završio sa tri pobjede i 10 poraza.