Argentina je upisala novu pobjedu, a Leo Mesi postavio rekord.
Argentina igra vrlo dobro na ovogodišnjem Kopa Amerika, iako im je oduzeto domaćinstvo nauštrb Brazila, pa tako lagano koračaju ka četvrtfinalu.
Nakon remija sa "grešnim" Čileom i "mršave" pobede nad Urugvajom, Argentina je prethodne noći savladala i Paragvaj 1:0 (1:0) i tako preuzela vodeće mjesto u grupi, i to u meču u kome je Leo Mesi postao rekorder svoje reprezentacije.
Nije postigao gol, niti asistirao, ali Mesi je odigrao 147. utakmicu u dresu "gaučosa" i tako se na večnoj listi na prvom mjestu izjednačio sa Havijerom Maskeranom.
Jubilej mu je uljepšao Papu Gomez, golom iz 10. minuta na asistenciju Di Marije, sve nakon akcije koju je pokrenuo upravo Mesi, dok je Argentina i u nadoknadi prvog dijela došla do gola, međutim nesrećni potez Alonsa, koji je savladao svog golmana, poništila je VAR tehnologija zbog ofsajda.
Mesi će imati šansu da već protiv Bolivije, najslabijeg tima grupe, prestigne Maskerana, a vidjećemo da li će prvi put u karijeri uspjeti i da osvoji Kopa Amerika.