Ben se nedavno razveo od Dženifer Lopez, a nakon razvoda počeo je mnogo više vremena provoditi sa Garner.
Glumica Dženifer Garner i njen bivši suprug Ben Aflek nedavno su zajedno proslavili rođendan svog sina Samuela, a fotografije s proslave brzo su se proširile društvenim mrežama.
U jednom trenutku, Ben je obgrlio Dženifer oko struka dok su igrali pejntbol, što je izazvalo veliku pažnju javnosti.
Bivši supružnici djelovali su veoma prisno, a prema izvorima, Dženiferin dečko Džon Miler nije bio oduševljen tim snimcima. Kako je otkriveno za Page Six, Miler je uvijek podržavao njen suroditeljski odnos sa Benom, ali sada osjeća da je Aflek "prešao granicu."
"Džon zna da se ništa ne događa između Dženifer i Bena, ali smatra da te fotografije ne ostavljaju dobar utisak i osjeća da je to nepoštovanje njihove veze," rekao je izvor. Takođe, dodao je da je Miler svojoj partnerki postavio ultimatum, naglasivši da "ne želi više videti ništa slično jer neće imati izbora osim da ode."
Ben se nedavno razveo od Dženifer Lopez, a nakon razvoda počeo je mnogo više vremena provoditi sa Garner, što Mileru smeta. Kako su ranije naveli izvori, on je svjestan da se Dženifer i Ben sve više oslanjaju jedno na drugo i da imaju veoma blizak odnos.
"Njihova sve prisnija povezanost postaje problematična jer Ben provodi sve praznike s njima, uključujući Božić i Dan zahvalnosti. Džon se osjeća kao treći točak," otkrio je jedan izvor.
Dženifer i Ben bili su u braku od 2005. do 2018. godine i zajedno imaju troje djece – Vajlet, Serafinu i Samuela.