Tijelo nepoznate osobe pronađeno je danas u rijeci Savi, na teško pristupačnom potezu između Hrtkovaca i Platičeva. Policija i dalje utvrđuje identitet i okolnosti smrti.
Tijelo za sada nepoznate osobe pronađeno je danas u poslijepodnevnim časovima u rijeci Savi, na potezu između sela Hrtkovci i Platičevo, na teritoriji opštine Ruma. Prema saznanjima sa lica mjesta, tijelo je bilo djelimično u vodi, dok je gornji dio bio naslonjen na obalu.
Prvi su ga primijetili ribari koji su se nalazili u čamcima na rijeci, nakon čega su odmah obavijestili nadležne službe. Na teren su brzo stigli pripadnici policije i vatrogasno-spasilačke jedinice, koje trenutno rade na izvlačenju tijela iz vode.
Za sada nema zvaničnih informacija o identitetu osobe, polu niti uzroku smrti. Policija sprovodi uviđaj. Više informacija biće poznato nakon obavljene identifikacije i obdukcije.
"Mrtva rijeka zna kad da progovori"
Dionica rijeke Save između Hrtkovaca i Platičeva među lokalnim ribarima poznata je kao "mrtva rijeka" ili "ćutljiva okuka", zbog specifičnog toka i čestih virova. U tom dijelu rijeka se usporava i formira prirodne džepove mulja i granja koji, kako kažu ribari, umiju da "zarobe" ono što voda donese.
"To je dio gdje Sava često izbaci drveće, burad, mrtve ribe, pa nažalost i tijela. Nije prvi put", kaže jedan od starijih ribara iz Platičeva.
Obala na toj lokaciji je teško pristupačna sa kopna, a do većeg dijela može se doći isključivo čamcem. Mještani i ribari ističu da se Sava u tom dijelu ponaša nepredvidivo i da je već bila "nijemi svjedok" sličnih situacija.