Prošlo je skoro dva mjeseca od nestanka Mateja Periša u Beogradu, a opsežna potraga policije za Splićaninom i dalje traje.
Na društvenim mrežama osnovane su mnogobrojne grupe koje pružaju podršku njegovoj porodici i preko kojih ljudi komuniciraju i pokušavaju da daju doprinos rasvjetljavanju misterije nestalog Splićanina.
U grupama se svakodnevno niže veliki broj komentara, a nekoliko njih je posebno okupiralo pažnju članova. Naime, ljudi u komentarima pišu razne teorije, a najnovija je kako je Matej otet u Srbiji i kako se nalazi na nekoj lokaciji potpuno sam i u mraku.
Naravno, nijedna od tih teorija nije potkrijepljena dokazima.
"Molim vas, zašto pišete takve stvari! Matej je odrsala osoba, nema 10 godina i igra je gotova ako je živ (daj bože) svjetla ne vidi", napisala je korisnica.
Dok jedni imaju svoje terorije, postoji i grupa ljudi koja je ubijeđena da su njegovi prijatelji umiješani u nestanak i kako to da ne znaju gdje im je drug? Da li je to istina i da li su oni zaista umiješani, pokazaće istraga MUP-a koji danonoćno radi na rasvjetljavanju nestanka mladog Periša.
Jedna djevojka je ostavila komentar kojim osuđuje Matejeve prijatelje. Ona, između ostalog, poručuje:
"Očito ga nikada neće naći, imao je prijatelje u toj noći ali nije imao leđa i ko da ga zaštiti. Trčao je ulicama, a sada od njega ni traga ni glasa".
Potraga za Matejem Perišom traje više od sedam nedjelja. On je nestao u noći između 30. i 31. decembra 2021.