Vršilac dužnosti direktora Uprave policije Zoran Brđanin kazao je da je spreman da razmotri odluku o imenovanju Harisa Đurđevića za načelnika pljevaljskog Centra bezbjednosti (CB), ali samo ako postoje valjani dokazi koji bi ga naveli na to.
On je rekao da je sa pažnjom ispratio javne reakcije oko raspoređivanja novog načelnika CB Pljevlja.
„Vjerujem da niko nije nepogrešiv i uvijek sam spreman da razmotrim svaku svoju odluku, pa i ovu, ali samo ako postoje valjani dokazi koji bi me naveli na to“, naveo je Brđanin.
On je poručio da odgovorni ljudi ne mogu i ne smiju odlučivati na bazi glasina, ili zbog atmosfere indukovanog pritiska.
„Sebe smatram odgovornim čovjekom“, kazao je Brđanin.