Sutkinja Vrhovnog suda Stanka Vučinić imenovana je za vršiteljku dužnosti predsjednice Vrhovnog suda.
Ovu funkciju Vučinić će obavljati do izbora novog predsjednika.
Sudski savjet raspisao je 31. decembra oglas za izbor predsjednika Vrhovnog suda.
“Kako je iz akta Vrhovnog suda Crne Gore od 30. decembra 2020. proizilazi da je sutkinja Stanka Vučinić godišnjim rasporedom poslova u Vrhovnom sudu određena za zamjenicu predsjednice, to je Sudski savjet na 22. sjednici održanoj 30. i 31. decembra 2020. nju imenovao za vršiteljku dužnosti predsjednice do izbora novog”, navedeno je u odluci Sudskog savjeta koju je potpisala predsjednica Vesna Simović Zvicer.