Ministarka Ana Novaković Đurović potpisala je saglasnost na Predlog Odluke o proglašenju Spomenika prirode „PARK ŠUMA GORICA“.
"Naše brdo Gorica zaslužuje da bude zaštićeno područje. Moramo mijenjati odnos prema prirodnim bogatstvima. Zaštita ne treba da slijedi nakon što je neko područje pogođeno nelegalnom gradnjom, devastacijom ili drugim problemima. Suština je u prevenciji, u proglašavanju zastićenih područja dok su još netaknuta i u punom potencijalu. Namjera Ministarstva je da Crna Gora dobije još zaštićenih prirodnih bogatstava, na čemu intezivno radimo. Uskoro ćemo dobiti nova zaštićena područja na sjeveru i jugu", poručila je ministarka.