Sudski savjet raspisao je oglas za izbor predsjednika Vrhovnog suda.
Rok za prijavu kandidata je 15 dana od dana objavljivanja javnog oglasa u Službenom listu Crne Gore i dnevnom listu Pobjeda.
Kandidat mora da ispunjava uslove predviđene Zakonom o Sudskom savjetu i sudijama.
“Uz prijavu na oglas, kandidat dostavlja dokumenta propisana članom 46 Zakona o Sudskom savjetu i sudijama, u originalu ili ovjerenoj kopiji. Prijava na javni oglas podnosi se na obrascu koji je dostupan svim kandidatima u prostorijama svih sudova, kancelariji Sudskog savjeta i na web stranici Sudskog savjeta www.sudovi.me”, piše u oglasu.
Navodi se da će Sudski savjet odbaciti neblagovremene i nepotpune prijave.
Sudski savjet ranije je imenovao sudiju Vrhovnog suda Stanku Vučinić za vršioca dužnosti predsjednika tog suda, a ona će tu funkciju obavljati do izbora novog predsjednika.
Bivša predsjednica Vrhovnog suda Vesna Medenica je krajem decembra podnijela ostavku, a zvanično je razriješena 31. decembra.