Vučević kandidat za nagradu Medžik Džonson

Autor:

Nikola Vučević jedan je od kandidata za nagradu “Medžik Džonson” koju NBA košarkašima dodjeljuje Asocijacija profesionalnih košarkaških novinara (PBWA).

0
A- A A+
nikola jokić, nikola vučević Foto: Guliver/Harry Aaron/Getty Images

  Kako prenosi CdM, Ovo priznanje dodjeluje se igraču kao svjedočanstvo klase na terenu, ali i van njega, oslikano kroz odnos sa medijima i navijačima.

U konkurenciji su i bek Vašingtona Bredli Bil, centar Jute Rudi Gober, krilo Golden Stejta Drejmond Grin i bek Majamija Dvejn Vejd. Datum izbora pobjednika i dodjele nagrade još nije poznat, a očekuje se da ovogodišnji lauerat bude predstavljen u prvoj sedmici juna.

Prilikom objave kandidatura, ističe se da je Vučević igrao najbolju sezonu do sada u karijeri, da je liderski predvodio Orlando do plej-ofa u svojoj prvoj Ol-star sezoni karijere, kao i da je sportista koji je primjer i uzor, pogotovo za navijače Orlanda i košarkaške fanove na Floridi.

Prema spekulacijama američkih medija, favorit za nagradu je veteran Vejd, koji je igrao posljednju sezonu karijere u Majamiju.

Prošle godine ovu nagradu dobio je bek Damar Derozan. Dodjeljuje se od 2001. godine, prvi dobitnik bio je Rej Alen. U posljednje dvije decenije laureati su bili zvijezde poput Grenta Hila, Dželena Rouza, Krisa Boša, Kevina Durenta, Stiva Neša, Dirka Novickog, Pau Gasola, Stefona Karija i Demijana Lilarda, prenosi Cdm. 

Sve vijesti